FJONDA
Od storega
kalamadarja
fjodno je stori
stroha son ga imela
više od vraga
a vajk je govori
da son mu draga
kompito kad
son napisala
fjodno je va žep skri
je zno da prez mene
ni njegovega
kompita ni
kad je kompito prepiso
fjondo je
grdelinan pokozo
i oni so brižni bižali
kamicići va fjonde
neso hi pježali
i sada ga nekad vidin
pretisnule ga leta
vajer gljeda,
tići išće
fjondo va srcu
i rikordi štišće.